Edward Scicluna

Sfida kbira għall-UE

Waħda mill-akbar sfidi li għandha quddiemha l-Unjoni Ewropea (UE) hija li jkollha politika ta’ governanza ekonomika addattata u maħsuba biex ikunu evitati kriżijiet bħal dawk li rajna jolqtu lill-Greċja, l-Irlanda u l-Portugall. Fost l-oħrajn, għandhom jiġu indirizzati l-iżbilanċi li hemm bejn il-pajjiżi membri taż-Żo­na Ewro, iżda jekk din il-politika ma tkunx flessibbli ma’ pajjiżi li jinsabu f’diffi­kul­tajiet finanzjarji u ekonomiċi, allura dan l-eżerċizzju jkun sar għalxejn għax ma jaħdimx.

Il-ħtieġa akuta li tiġi rive­duta l-governanza ekonomika Ewropea ħarġet ċara daqs il-kristall minn mindu faqqgħet il-kriżi Griega kważi sena ilu u minn meta rriżulta li 26 mis-27 pajjiż membru tal-UE kie­nu kisru r-regoli tal-Patt ghat-Tkabbir u Stabbilità (SGP) fir-rigward ta’ djun u defiċits.

Sa ħames snin ilu x’aktarx li ftit kienu dawk li qatt ħolmu li l-SGP kien se jkun jeħtieġ ir-riforma radikali li fil-fatt għandu bżonn. Il-kriżijiet finanzjarji, ekonomiċi u djun nazzjonali flimkien mal-ispekulazzjoni tas-suq wasslu lil diversi pajjiżi qrib falliment u lil bosta oħrajn f’diffikultajiet kbar immens. Sitwazzjoni li kienet mgħejjuna bis-sħiħ minn governanza ekonomika fqira. L-iskrutinju biex pajjiżi jidħlu fiż-Żona Ewro kif ukoll d-dixxiplina għal membri taż-Żona biex ma jaqbżux l-limiti stabbiliti, kienu laxki għall-aħħar.

Il-Kumitat tal-Affarijiet Eko­nomici u Monetarji (ECON) tal-Parlament Ewro­pew appun­ta grupp, li tieghu jien membru, li għal dawn l-aħħar sitt xhur ħadem bla heda għal tfassil mill-ġdid tar-regoli tal-governanza ekonomika tal-UE. Tibdil rifless f’miżuri preventivi, sanzjonar ta’ inċentivi u metodi ta’ korrezzjoni.

Kollha naqblu li l-SGP irid ikollu s-snien biex jigdem. Irid jingħata s-saħħa. Però ħas­ra li hemm politiċi konservattivi u liberali li ħsiebhom biss f’sanzjonijiet ħorox. Jemmnu biss li pajjiż jista’ jitpoġġa lura fit-triq it-tajba bil-miżuri ta’ awsterità biss. Jiena qabbilt din il-politika mal-liġi Musulmana tax-Sharia. Veru li taħdem, imma krudili.

F’kuntest ekonomiku tmur ’il bogħod aktar minn hekk. L-attitudni murija minn konservattivi tal-lemin u l-liberali, flimkien mal-patt ekonomiku Franco/Ġermaniż, tista’ twassal għal twessiegħ tad-differen­zi li ekonomikament jeżistu bejn pajjiżi membri fiż-Żona Ewro. F’dan il-kuntest din il-politika qed tieħu forma ta’ imperjaliżmu ekonomiku fl-Ewropa. Il-grupp tiegħi, l-alleanza tas-Soċjalisti u Demo­kratici, ma jaqbel xejn ma’ din l-evoluzzjoni politika peri­koluża li qiegħda sseħħ u qed juri li ma jaqbel xejn magħha. Mhux ta’ b’xejn li sew unjins Maltin kif ukoll Ewropej jinsabu mħassbin bis-sħiħ.

Il-qofol ta’ nuqqas ta’ qbil f’dak propost huwa dwar l-għodda li jkun jista’ jħaddem pajjiż maqbud f’riċessjoni. Nafu x’kienu r-riżultati ta’ riċessjonijiet ekonomiċi. Fejn kien possibbli kellna pajjiżi li għamlu użu minn miżuri ta’ stimolu biex jilqgħu, ipattu, għall-impatt tar-riċessjoni u jkunu salvati l-impjiegi.

F’ħafna mill-każi kien eżer­ċizzju li rnexxa u kienu salvati miljuni ta’ mpjiegi. Mhux hekk biss, imma tħalliet bażi soda biżżejjed li minn fuqha seta’ jinbeda r-ritorn għat-tkab­bir ekonomiku, filwaqt li jonqsu d-defiċits fil-baġits u jonqos id-dejn ipparagunat mal-Prodott Gross Domestiku.

Lanqas biss konna ħriġna mir-riċessjoni li l-konservattivi bdew jissuġġerixxu l-implimentazzjoni ta’ miżuri ta’ awste­rità biex jonqsu d-djun fl-Ewropa kollha, bl-unika għaż­la li jkollhom il-gverni­jiet tkun kemm se jaqtgħu fil-fond. Kemm se jnaqqsu min-nefqa.

Nemmen li ekonomikament fuq skala Ewropea dan ma jagħmilx sens. Anzi, jista’ jkun ta’ dannu kbir għaż-Żona Ewro. Huwa fatt magħruf li fi ħdan l-UE hemm differenza fil-kompetittività. Tul dawn l-aħħar għaxar snin il-pajjiżi Mediterranji mqabblin mal-pajjiżi Nordiċi, saru inqas kom­petittivi f’termini tal-ispi­ża ta’ produzzjoni. Dan għandu jinqaleb biex dawn il-paj­jiżi jkunu jistgħu jinnegozjaw kompettitivament. Biex isir dan, il-pajjiżi Nordiċi li huma b’saħ­ħithom ekonomika­ment iridu jgħinu billi jkabbru – u mhux inaqqsu – d-domanda għall-importazzjoni minn paj­jiżi oħrajn fl-Unjoni. Sfortunatament ma jridux jisim­għu b’dan.

F’dan ix-xenarju hemm il-kompliċità ta’ pajjiżi bħalma hija l-Ġermanja, li qiegħda żżomm il-pagi artifiċjalment baxxi u b’hekk tirrestrinġi l-kon­sum lokali, u allura l-importazzjoni, filwaqt li tkabbar l-esportazzjoni lejn il-pajjiżi konsumisti tal-Mediterran. Eżer­­ċizzju li wkoll serva bil-kbir biex jiżdiedu l-iżbilanċi fil-kompet­tività.

Ir-riżultat huwa ovvju… iddgħaj­fu pajjiżi bħall-Greċja, il-Portugall u l-Italja, filwaqt li ssaħħu l-Ġermanja stess, Fran­za u l-Olanda, biex issa qegħdin fil-pożizzjoni li jiddettaw x’għandhom ikunu t-termini futuri tal-governanza ekono­mika. Bir-‘reverse majority’, li qed jipproponu għal-futur, kull pajjiż fiż-Żona Ewro li għandu xi defiċit jew dejn kbir mhux se jkollu vot fid-deċiżjonijiet kruċjali. B’hekk il-pajjiżi Nordiċi se jkollhom ‘blank cheque’ u jiddettaw biss huma.

Qed naraw l-istess tattika fejn tidħol il-kriżi tad-djun nazzjonali. Il-pajjiżi tal-UE nne­gozjaw il-‘bail-out’ tal-Greċ­­ja u sussegwentement tal-Ir­landa, b’self li fuqu hemm interessi għoljin x’jit­ħallsu, filwaqt li qed jagħmlu pressjoni kbira u inġusta biex l-Irlanda tgħolli r-rata tat-taxxa fuq l-ażjendi tagħha magħrufin bħala ‘corporation tax’. X’talbu lill-Greċja, lill-Irlan­da u dalwaqt lill-Portugal, bħall-programm ta’ awste­rità li qed iweġġa’ liż-żgħir, jafu kulħadd.

Li m’aħniex ngħidu hu li kieku l-Irlanda flok għamlet hekk, ħalliet il-banek tagħha jfallu, banek ewlenin fir-Renju Unit u l-Ewropa kienu jitilfu biljuni ta’ ewro mil-lum għall-għada. L-eżercizzju, “is-salvataġġ”, li sar mal-Irlanda, ifisser li pajjiżi Ewropej oħrajn se jkunu assigurati li l-banek tagħhom ma jintlaqtux. L- istess għall-Greċja. Il-gverni­jiet taż-Żona Ewro għażlu li flok ibatu l-banek Nordiċi jit­fgħu l-piż kollu fuq it-‘taxpa-yer’ tal-pajjiżi li qegħdin jingħataw l-‘bail-out’. Il-kriżi finanzjarja minflok qed iġorru­ha l-banek qed iġorrha t-‘taxpayer’. Żgur li din mhix is-solidarjetà li fuqha twaqqfet l-Unjoni Ew­ropea!

Ilkoll naqblu li l-kotba tal-gvernijiet Ewropej għandhom ikunu bilanċjati. Ir-riformi strut­turali jridu jsiru u ma għand­homx jibqgħu jiġu posposti. Però għandhom isiru f’waqthom. Il-pajjiżi għandhom joqogħdu attenti li ma jaqgħux fin-nassa li filwaqt li jsegwu t-teoriji Keynes fi żmi­nijiet ħżiena, jinjorawhom fi żminijiet tajbin. Però ma nis­tgħux naċċettaw miżuri li ji­tilqu minn taħt għajnejhom l-miri tax-xogħol u l-miri soċjali bl-iskuża ta’ politika li tiffoka biss fuq sanzjonijiet u xejn aktar.

Billi timmulta somom massivi lil pajjiżi diġà f’diffikul­tajiet finanzjarji ma tkunx qed tgħinhom. Dan hu dak li qegħdin jinsistu għalih il-kon­servattivi. Eżempju ta’ dan hi l-proposta ta’ wħud minnhom u ta’ neo-liberali Nordiċi li pajjiżi li jiksru l-SGP ikunu mmultati sa aktar minn 1% tal-GDP tagħhom f’sena waħda. Dan mhux loġiku. Huwa assurd, bla sens, li pajjiż, li diġà għandu d-dejn, tgħabbih b’aktar dejn biex suppost tkun qed tgħinu jibbilanċja l-kotba tiegħu. Huwa għalhekk li l-aċċess għal forom ta’ ‘bonds’ Ewropej hija idea tajba. Ikunu jistgħu jilqgħu għall-ispekulazzjoni tas-suq.

L-għażla hi waħda. Riżoluta. B’saħħitha. Pakkett bilanċjat ta’ inċentivi u sanzjonijiet, jekk hemm bżonn, li jgħin biex ikun assigurat il-futur taż-Żona Ewro. Però warajh irid ikun hemm programm ta’ investiment għat-tkabbir tal-impjiegi. U fuq kollox solidarjetà vera biex il-kbir jgħin liż-żgħir. Jekk nibdlu il-Patt għat-Tkabbir u Stabbilità f’Patt ta’ Stabbilità li jfisser biss awsterità, u ninsew l-kelma Tkabbir, inkunu veru qegħdin biss nagħżqu fl-ilma.

www.l-orizzont.com – Tnejn, 25ta’ April 2011

author_pc

, , ,

100 responses to “Sfida kbira għall-UE”

  1. Hey! Do you know if they make any plugins to help with Search Engine Optimization? I’m
    trying to get my blog to rank for some targeted keywords but I’m not seeing very good gains.
    If you know of any please share. Thank you! You can read similar blog here: Blankets

  2. Hello! Do you know if they make any plugins to help with SEO?
    I’m trying to get my site to rank for some targeted keywords but I’m
    not seeing very good success. If you know of any please share.

    Thanks! I saw similar blog here: Coaching

  37. I’m extremely inspired along with your writing talents as neatly as with the format on your blog. Is that this a paid theme or did you modify it yourself? Anyway stay up the nice high quality writing, it’s rare to look a nice blog like this one nowadays. I like edwardscicluna.com ! My is: Instagram Auto follow

  46. I am really impressed with your writing talents as neatly as with the format on your blog. Is that this a paid theme or did you modify it yourself? Either way stay up the excellent quality writing, it is uncommon to see a nice weblog like this one these days. I like edwardscicluna.com ! It is my: BrandWell

Leave a Reply

Your email address will not be published. Required fields are marked *